2015 جىلعى 27 ناۋرىز, استانا قالاسى
«زاڭسىز ساقتالعان اتىس قارۋىن, وق-ءدارىنى جانە جارىلعىش زاتتاردى ازاماتتاردىڭ ەرىكتى تۇردە وتەمدى تاپسىرۋ قاعيدالارىن بەكىتۋ تۋرالى»
«جەكەلەگەن قارۋ تۇرلەرىنىڭ اينالىمىنا مەملەكەتتىك باقىلاۋ جاساۋ تۋرالى» 1998 جىلعى 30 جەلتوقسانداعى قازاقستان رەسپۋبليكاسى زاڭىنىڭ 29-بابى 1-تارماعىنىڭ 8-3) تارماقشاسىنا سايكەس بۇيىرامىن:
1. قوسا بەرىلىپ وتىرعان زاڭسىز ساقتالعان اتىس قارۋىن, وق-ءدارىنى جانە جارىلعىش زاتتاردى ازاماتتاردىڭ ەرىكتى تۇردە وتەمدى تاپسىرۋ قاعيدالارى بەكىتىلسىن.
2. قازاقستان رەسپۋبليكاسى ىشكى ىستەر مينيسترلىگىنىڭ اكىمشىلىك پوليتسيا كوميتەتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا رەسمي جاريالاۋعا جولداۋدى;
3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وبلىستاردىڭ, استانا جانە الماتى قالالارىنىڭ ىشكى ىستەر دەپارتامەنتتەرىنىڭ باستىقتارى وسى بۇيرىقتى ءتيىستى قىزمەتتەر قىزمەتكەرلەرىنىڭ زەردەلەۋىن ۇيىمداستىرسىن جانە ونىڭ مۇلتىكسىز ورىندالۋىن قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ ىشكى ىستەر ءمينيسترىنىڭ ورىنباسارى پوليتسيا گەنەرال-مايورى ە.ز. تۋرگۋمباەۆقا جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر پوليتسيا گەنەرال-لەيتەنانتى ق. قاسىموۆ
«كەلىسىلدى»
قازاقستان رەسپۋبليكاسى قارجى ءمينيسترى ______________ب. سۇلتانوۆ
2015 ج __________________
قازاقستان رەسپۋبليكاسى ىشكى ىستەر ءمينيسترىنىڭ
2015 جىلعى 27 ناۋرىزداعى №266 بۇيرىعىمەن بەكىتىلگەن
زاڭسىز ساقتالعان اتىس قارۋىن, وق-ءدارىنى جانە جارىلعىش زاتتاردى
ازاماتتاردىڭ ەرىكتى تۇردە وتەمدى تاپسىرۋ قاعيدالارى
1. جالپى ەرەجەلەر
1. وسى زاڭسىز ساقتالعان اتىس قارۋىن, وق-ءدارىنى جانە جارىلعىش زاتتاردى ازاماتتاردىڭ ەرىكتى تۇردە وتەمدى تاپسىرۋ قاعيدالارى (بۇدان ءارى - قاعيدالار) زاڭسىز ساقتالعان اتىس قارۋىن, وق-ءدارىنى, جارىلعىش زاتتاردى انىقتاۋ جانە وتەمدى نەگىزدە الىپ قويۋ جونىندەگى الدىن الۋ ءىس-شارالارىنىڭ تيىمدىلىگىن ارتتىرۋ, جۇمىستى جەتىلدىرۋ ماقساتىندا ازىرلەندى.
2. قاعيدالاردا مىناداي نەگىزگى ۇعىمدار پايدالانىلادى:
1) قارۋ - كونسترۋكتسيالىق جاعىنان العاندا ءتىرى نەمەسە وزگە دە نىسانانى زاقىمداۋعا, سونداي-اق بەلگى بەرۋگە ارنالعان قۇرىلعىلار مەن زاتتار;
2) اتىس قارۋى - وق ءدارى نەمەسە وزگە دە زارياد قۋاتىنىڭ اسەرى ناتيجەسىندە ۇڭعى وقپانىنان وقتى, سناريادتى, گراناتانى ۇشىرىپ شىعاراتىن قارۋ;
3) وق-ءدارى (پاتروندار) - كونسترۋكتسيالىق جاعىنان قارۋدىڭ ءتيىستى تۇرىنەن اتۋ ءۇشىن جانە نىسانانى زاقىمداۋعا ارنالعان قۇرىلعىلار نەمەسە زاتتار;
4) جارىلعىش زات - سىرتقى اسەر ەتۋدىڭ بەلگىلى ءبىر تۇرلەرى كەزىندە جىلۋ بولە وتىرىپ جانە گازدىڭ پايدا بولۋىمەن وزدىگىنەن جىلدام تارالاتىن حيميالىق وزگەرۋگە قابىلەتتى زات.
3. زاڭسىز ساقتالعان اتىس قارۋىن, وق-ءدارىنى جانە جارىلعىش زاتتاردى ەرىكتى تۇردە تاپسىرعان ازاماتتار وسى قاعيدالاردىڭ 17-تارماعىندا بەلگىلەنگەن مولشەردە اقشالاي سىياقى الادى.
4. اتىس قارۋىن, وق-ءدارىنى جانە جارىلعىش زاتتاردى وتەمدى تاپسىرۋعا شىعىستاردى قارجىلاندىرۋ وسى ماقساتتار ءۇشىن كوزدەلگەن رەسپۋبليكالىق بيۋدجەت قاراجاتى ەسەبىنەن جۇرگىزىلەدى.
5. ەرىكتى تۇردە تاپسىرىلعان بارلىق اتىس قارۋى, وق-ءدارى, جارىلعىش زاتتار «جەكەلەگەن قارۋ تنرلەرىنىڭ اينالىمىنا مەملەكەتتىك باقىلاۋ جاساۋ تۋرالى» 1998 جىلعى 30 جەلتوقسانداعى № 339 زاڭىنىڭ 20-بابىنا سايكەس كادەگە جاراتۋعا جاتادى.
انتيكۆارلىق قارۋ (ورتالىق سوققىداعى ءبىرتۇتاس پاتروندارمەن اتۋعا ارنالىپ جاسالعان اتىس قارۋىنان باسقا, 1899 جىلعا دەيىن جاسالعان اتىس قارۋى) جانە مادەني قۇندىلىعى بار قارۋ كوميسسيانىڭ شەشىمى بويىنشا ىشكى ىستەر مينيسترلىگىنىڭ, استانا, الماتى قالالارىنىڭ, وبلىستاردىڭ جانە كولىكتەگى ىشكى ىستەر دەپارتامەنتتەرى جەدەل-كريميناليستيكالىق بولىمشەلەرىنىڭ زاتتاي كوللەكتسيالارىنا نەمەسە مۇراجايلارىنا بەرىلۋى مۇمكىن.
2. اتىس قارۋىن, وق-ءدارىنى جانە جارىلعىش زاتتاردى تاپسىرۋ جانە تىركەۋ ءتارتىبى
6. وزىندە زاڭسىز ساقتالعان اتىس قارۋىن, وق-ءدارىنى جانە جارىلعىش زاتتاردى اقشالاي سىياقىعا تاپسىرۋعا نيەت بىلدىرگەن ازامات قالالىق, اۋداندىق ىشكى ىستەر ورگاندارىنىڭ كەز كەلگەنىنە ارىز بەرەدى, وندا ءوزىنىڭ دەرەكتەرىن, تاپسىرىلاتىن قارۋ-جاراق زاتتارىنىڭ اتاۋىن, قارۋدىڭ ماركاسىن, كاليبرىن, ءنومىرىن, وق-ءدارىنىڭ سانىن جانە ولاردى العان (ساتىپ العان) جەرىن كورسەتەدى.
7. ەرىكتى تۇردە تاپسىرۋ تۋرالى ارىز, سونداي-اق ەرىكتى تۇردە تاپسىرىلعان بارلىق اتىس قارۋى, وق-ءدارى مەن جارىلعىش زاتتار قولدانىستاعى زاڭناماعا سايكەس تىركەلەدى جانە رەسىمدەلەدى.
8. ازامات ىشكى ىستەر ورگانىنا تەلەفونمەن نەمەسە باسقا دا ەلەكتروندىق بايلانىس قۇرالدارىن پايدالانا وتىرىپ, اتىس قارۋىن, وق-ءدارىنى نەمەسە جارىلعىش زاتتاردى ەرىكتى تۇردە تاپسىرۋ نيەتى تۋرالى ارىز بەرگەن (حابارلاعان) كەزدە اتالعان زاتتاردىڭ تۇرعان جەرىنە ىشكى ىستەر ورگانىنىڭ قىزمەتكەرى شىعادى, ول ارىزدى جانە اتالعان زاتتاردى قابىلداۋدى جۇرگىزەدى.
9. ازاماتتار تاپسىراتىن اتىس قارۋى قازاقستان رەسپۋبليكاسى ىشكى ىستەر مينيسترلىگى بىرىكتىرىلگەن دەرەكتەر بانكىنىڭ «كريمينالدىق قارۋ» جانە «تىركەلگەن قارۋ» (بۇدان ءارى - قازاقستان رەسپۋبليكاسى ءىىم بدب «كريمينالدىق قارۋ» جانە «تىركەلگەن قارۋ») ەسەپتەرى بويىنشا تەكسەرىلەدى.
ەگەر تاپسىرىلاتىن قارۋدىڭ سايكەستەندىرۋ ءنومىرى بولسا جانە «تىركەلگەن قارۋ» ەسەبىندە تۇرماسا, وندا قارۋعا «كريمق» دەگەن اقپاراتتىق-ىزدەستىرۋ كارتوچكاسى تولتىرىلادى جانە «كريمينالدىق قارۋ» دەگەن دەرەكتەر بانكىنە اقپارات ەنگىزۋ ءۇشىن اقپاراتتىق-تەحنيكالىق قىزمەتتىڭ وڭىرلىك بولىمشەسىنە جىبەرىلەدى.
10. تاپسىرىلعان ويىق ۇڭعىلى قارۋدان اتىس جۇرگىزىلەدى. اتىلعان وقتار مەن عيلزالار تەكسەرۋ جۇرگىزۋ ءۇشىن قازاقستان رەسپۋبليكاسى ىشكى ىستەر مينيسترلىگىنىڭ كريميناليستيكالىق وق-گيلزوتەكاسىنا جىبەرىلەدى.
3. تاپسىرىلعان اتىس قارۋى, وق-ءدارى جانە جارىلعىش زاتتار ءۇشىن
سىياقى بەلگىلەۋ جونىندە كوميسسيا قۇرۋ جانە ونىڭ جۇمىس ءتارتىبى
11. تاپسىرىلعان اتىس قارۋى, وق-ءدارى مەن جارىلعىش زاتتار ءۇشىن ازاماتتارعا سىياقى بەلگىلەۋ تۋرالى ماسەلەلەردى كوميسسيا شەشەدى.
كوميسسيا قۇرامى وبلىستاردىڭ, الماتى, استانا قالالارىنىڭ ىشكى ىستەر دەپارتامەنتتەرى باستىقتارىنىڭ بۇيرىقتارىمەن بەكىتىلەدى ءارى تىل جانە قارجىلىق قامتاماسىز ەتۋ, ليتسەنزيالىق-رۇقسات بەرۋ جۇمىسى, كريمينالدىق پوليتسيا, وزىندىك قاۋىپسىزدىك, جەدەل-كريميناليستيكالىق جانە اقپاراتتىق-تەحنيكالىق قىزمەتتەر بولىمشەلەرىنىڭ قىزمەتكەرلەرىنەن تۇرادى.
كوميسسيا توراعاسى بولىپ قالالىق نەمەسە اۋداندىق ىشكى ىستەر ورگانىنىڭ (بۇدان ءارى - قاىىو) باستىعى ورىنباسارلارىنىڭ ءبىرى تاعايىندالادى. كوميسسيا حاتشىسى بولىپ كوميسسيا وتىرىسىن ۇيىمداستىراتىن قاىىو-نىڭ ليتسەنزيالىق-رۇقسات بەرۋ جۇمىسىنىڭ قىزمەتكەرى تاعايىندالادى.
12. كوميسسيا وبلىستاردىڭ, الماتى جانە استانا قالالارىنىڭ ىشكى ىستەر دەپارتامەنتتەرىنىڭ ءاربىر قاىىو-سىندا قۇرىلادى.
13. كوميسسيا ءبىر ايدان اسپايتىن مەرزىمدە ۇسىنىلعان ماتەريالداردى قارايدى, ەرىكتى تۇردە تاپسىرىلعان زاتتار مەن قۇرالداردىڭ تەحنيكالىق جاي-كۇيىن, سونداي-اق ولاردىڭ ەرىكتى تۇردە تاپسىرىلعانى ءۇشىن بەرىلەتىن سىياقى مولشەرىن انىقتايدى.
14. كوميسسيانىڭ حاتشىسى ازاماتتىڭ بۇيىمدار مەن زاتتاردى ەرىكتى تۇردە تاپسىرۋ تۋرالى ءوتىنىشى نەگىزىندە مىناداي ماتەريالداردان:
1) ەرىكتى تۇردە تاپسىرۋ تۋرالى وتىنىشتەن;
2) وسى زاتتار اتىس قارۋى, وق-ءدارى نەمەسە جارىلعىش زاتتار بولىپ تابىلاتىندىعى, سونداي-اق قارۋدىڭ اتۋعا جارامدىلىعى نەمەسە جارامسىزدىعى تۋرالى كريميناليست-ماماننىڭ قورىتىندىسىنان;
3) قازاقستان رەسپۋبليكاسى ءىىم بدب-نىڭ «كريمينالدىق قارۋ» جانە «تىركەلگەن كارۋ» ەسەپتەرى بويىنشا تەكسەرۋ تۋرالى ماتەريالداردان;
4) اتىلعان وقتار مەن گيلزالاردى (ويىق ۇڭعىلى قارۋ) قازاقستان رەسپۋبليكاسى ءىىم كريميناليستيكالىق وق-گيلزاتەكاسى بويىنشا تەكسەرۋ تۋرالى انىقتامادان تۇراتىن «زاتتار مەن قۇرالداردى ەرىكتى تۇردە وتەمدى تاپسىرۋ تۋرالى ءىستى» (بۇدان ءارى - ءىس) قالىپتاستىرادى.
15. كوزدەلگەن تەكسەرۋلەردى جۇرگىزگەننەن كەيىن كوميسسيا تاپسىرىلاتىن زاتتاردىڭ, قۇرالداردىڭ تەحنيكالىق جاي-كۇيى مەن سىياقىلار مولشەرى تۋرالى ەكى دانادا (1-قوسىمشا) جازباشا قورىتىندى شىعارادى, ونى قاىىو باستىعى بەكىتەدى جانە ەلتاڭبالىق مورمەن بەكىتىلەدى.
قورىتىندىنىڭ ءبىرىنشى داناسى وبلىستاردىڭ, الماتى جانە استانا قالالارىنىڭ ىشكى ىستەر دەپارتامەنتتەرىنىڭ بۋحگالتەرياسىنا جىبەرىلەدى جانە ول تاپسىرىلعان قارۋ ءۇشىن ازاماتقا سىياقى تولەۋگە نەگىز بولىپ تابىلادى. ەكىنشى داناسى كوميسسيانىڭ حاتشىسىندا ساقتالاتىن ىسكە تىگىلەدى.
16. قاىىو كوميسسيالارىنىڭ جۇمىس ماتەريالدارىن اپتا سايىن وبلىستاردىڭ, الماتى جانە استانا قالالارىنىڭ ىشكى ىستەر دەپارتامەنتتەرى جيناقتايدى, ەسەپتىلىكتىڭ بەكىتىلگەن نىساندارى بويىنشا ىشكى ىستەر مينيسترلىگى ورتالىق اپپاراتىنىڭ ءتيىستى قىزمەتتەرىنە (اكىمشىلىك پوليتسيا كوميتەتى, كريمينالدىق پوليتسيا جانە قارجىمەن قامتاماسىز ەتۋ دەپارتامەنتتەرىنە) جىبەرەدى.
4. سىياقى تولەۋ ءتارتىبى
17. وزدەرىندە زاڭسىز ساقتالعان اتىس قارۋىن, وق-ءدارىنى, جارىلعىش زاتتاردى تاپسىرعان ازاماتتارعا قازاقستان رەسپۋبليكاسىنىڭ ءتيىستى جىلعا ارنالعان رەسپۋبليكالىق بيۋدجەت تۋرالى زاڭىندا بەلگىلەنگەن مىناداي ايلىق ەسەپتىك كورسەتكىشتەر مولشەرىندە:
1) اۆتوماتتى ويىق ۇڭعىلى اتىس قارۋىنىڭ ءار بىرلىگى ءۇشىن ءبىر ءجۇز ەسەلەنگەن ايلىق ەسەپتىك كورسەتكىشكە دەيىن;
2) ويىق ۇزىن ۇڭعىلى اتىس قارۋىنىڭ (ۆينتوۆكالار, كارابيندەر) ءار بىرلىگى ءۇشىن ەلۋ ەسەلەنگەن ايلىق ەسەپتىك كورسەتكىشكە دەيىن;
3) قىسقا ويىق ۇڭعىلى اتىس قارۋىنىڭ (پيستولەتتەر, رەۆولۆەرلەر) ءار بىرلىگى ءۇشىن قىرىق ەسەلەنگەن ايلىق ەسەپتىك كورسەتكىشكە دەيىن;
4) تەگىس ۇڭعىلى اتىس قارۋىنىڭ ءار بىرلىگى ءۇشىن وتىز ەسەلەنگەن ايلىق ەسەپتىك كورسەتكىشكە دەيىن;
5) جاراقات سالاتىن تاپانشانىڭ نەمەسە رەۆولۆەردىڭ ءار بىرلىگى ءۇشىن ون ەسەلەنگەن ايلىق ەسەپتىك كورسەتكىشكە دەيىن;
6) ءاربىر گراناتا, مينا, جارۋ قۇرىلعىسى جانە ارتيللەريالىق سنارياد ءۇشىن جەتى ەسەلەنگەن ايلىق ەسەپتىك كورسەتكىشكە دەيىن;
7) جارىلعىش زاتتاردىڭ ءاربىر 1000 گرامى ءۇشىن التى ەسەلەنگەن ايلىق ەسەپتىك كورسەتكىشكە دەيىن;
8) كاليبرى 5,6 ميلليمەتردەن اساتىن ويىق قارۋ پاتروندارىنىڭ ءار بىرلىگى ءۇشىن ايلىق ەسەپتىك كورسەتكىشتىڭ وتىز بەستەن ءبىر بولىگىنە دەيىن سىياقى;
كاليبرى 5,6 ميلليمەتر (ۇساق كاليبرلى) ويىق قارۋ پاتروندارىنىڭ ءار بىرلىگى ءۇشىن ايلىق ەسەپتىك كورسەتكىشتىڭ ءجۇز ون بەستەن ءبىر بولىگىنە دەيىن سىياقى بەلگىلەنەدى.
18. سىياقى مولشەرىن بەلگىلەۋ كەزىندە كوميسسيالار قارۋ-جاراق زاتتارىنىڭ تەحنيكالىق جاي-كۇيىن ەسكەرۋى قاجەت.
18-1. كوميسسيالار قارۋدىڭ تەحنيكالىق جاي-كۇيىن ايقىنداۋ كەزىندە وسى قاعيدالارعا 2-قوسىمشاعا سايكەس 3 ساناتتى قولدانادى.
1-ساناتقا جاتقىزىلعان قارۋ ءۇشىن تولەم ۇسىنىلاتىن قۇنىنىڭ 100 %-ى ەسەبىنەن جۇرگىزىلەدى.
2-ساناتقا جاتقىزىلعان قارۋ ءۇشىن تولەم ۇسىنىلاتىن قۇنىنىڭ 70 %-ى ەسەبىنەن جۇرگىزىلەدى.
3-ساناتقا جاتقىزىلعان قارۋ ءۇشىن تولەم ۇسىنىلاتىن قۇنىنىڭ 30 %-ى ەسەبىنەن جۇرگىزىلەدى.
19. مىنالارعا:
1) كريميناليست-ماماننىڭ قورىتىندىسى نەگىزىندە اتىس قارۋى, وق-ءدارى نەمەسە جارىلعىش زاتتار بولىپ تانىلماعان;
2) قازاقستان رەسپۋبليكاسى ءىىم بدب-نىڭ «كريمينالدىق قارۋ» جانە «تىركەلگەن قارۋ» ەسەبىندە تۇرعان بۇيىمدار مەن زاتتارعا;
3) قولدان جاسالعان وق-دارىگە;
4) تەگىس ۇڭعىلى, گازدى جانە جاراقات سالاتىن قارۋعا سىياقى تولەنبەيدى.
20. سىياقى تولەۋدى اۋماقتىق ىشكى ىستەر ورگاندارىنىڭ قارجى قىزمەتتەرى تۇرعىنداردان اتىس قارۋىن, وق-ءدارىنى, جارىلعىش زاتتاردى وتەمدى تۇردە الىپ قويۋ جونىندەگى شىعىنداردىڭ ورنىن تولتىرۋ ءۇشىن اشىلعان بيۋدجەت شوتىنان اۋدارۋ ارقىلى جۇزەگە اسىرادى.
21. قاىىو ليتسەنزيالىق-رۇقسات بەرۋ جۇيەسىنىڭ قىزمەتكەرلەرى (كوميسسيالار مۇشەلەرى) اقشالاي قاراجات تولەۋ ءۇشىن وبلىستاردىڭ, الماتى جانە استانا قالالارىنىڭ ىشكى ىستەر دەپارتامەنتتەرىنىڭ قارجىمەن قامتاماسىز ەگۋ قىزمەتتەرىنە (بۋحگالتەريالارىنا) مىناداي قۇجاتتاردى جىبەرەدى:
1) قاىىو باستىعى بەكىتكەن جانە بارلىق كوميسسيا مۇشەلەرى قول قويعان ازاماتتار تاپسىرعان اتىس قارۋىنىڭ, جارىلعىش زاتتاردىڭ, وق-ءدارىنىڭ تەحنيكالىق جاي-كۇيى جانە ولاردى تاپسىرعانى ءۇشىن سىياقى بەلگىلەۋ جونىندەگى قورىتىندى;
2) اتىس قارۋىن, جارىلعىش زاتتاردى نەمەسە وق-ءدارىنى ەرىكتى تۇردە تاپسىرعان ادامنىڭ جەكە باسىن كۋالاندىراتىن قۇجاتتىڭ كوشىرمەسى;
4) اقشانى الۋشىنىڭ دەرەكتەرى جانە اقشانى الۋشىنىڭ تاڭداۋى بويىنشا بانكتە اشىلعان جيناق شوتىنىڭ نەمەسە تولەم كارتوچكاسىنىڭ (كارت-شوتىنىڭ) ءنومىرى كورسەتىلگەن سالىمشى كىتاپشاسى (جيناق كىتاپشاسى) پاراقتارىنىڭ كوشىرمەسى.
22. ازامات سىياقى سوماسىن ونىڭ كارت-شوتىنا, جەكە شوتىنا اقشالاي قاراجاتتى اۋدارۋ جولىمەن نە ىشكى ىستەر ورگانىنىڭ كاسساسى ارقىلى الادى.
23. اقشا قاراجاتىن زاڭسىز تولەۋگە اكەپ سوقتىرعان وسى قاعيدالاردىڭ تالاپتارىن بۇزعانى ءۇشىن وعان جول بەرگەن كىنالى لاۋازىمدى ادامدار زاڭدا بەلگىلەنگەن تارتىپپەن جاۋاپقا تارتىلادى.
زاڭسىز ساقتالعان اتىس قارۋىن, وق-ءدارىنى جانە جارىلعىش زاتتاردى زاماتتاردىڭ ەرىكتى تۇردە وتەمدى تاپسىرۋ قاعيدالارعا 1-قوسىمشا
نىسان
«بەكىتەمىن»
ء________________ىىو باستىعى
__________________________
201 جىلعى « »
ازاماتتار تاپسىراتىن اتىس قارۋىنىڭ, جارىلعىش زاتتاردىڭ, وق-ءدارىنىڭ تەحنيكالىق جاي-كۇيى مەن ولاردى تاپسىرعانى ءۇشىن سىياقى بەلگىلەۋ جونىندەگى كوميسسيانىڭ
قورىتىندىسى
توراعاسى: ___________________________________________________________
كوميسسيا مۇشەلەرى:
1) __________________________________________________________________
2) __________________________________________________________________
3) __________________________________________________________________
4) _____________________________________________ قۇرامىنداعى كوميسسيا
______________________________________________________ تۇراتىن ازامات
ء(ۇيىنىڭ مەكەنجايى)
(ت.ا.ءا.)_____________________________________________________________
قارۋدى ______________________________________________________________
(اتاۋى, ماركاسى, كاليبرى, ءنومىرى, شىعارىلعان جىلى)
جارىلعىش زاتتاردى____________________________________________________
(اتاۋى, سالماعى, سانى)
وق-ءدارىنى ەرىكتى تۇردە تاپسىرۋى تۋرالى ماتەريالداردى قاراپ, ولاردىڭ
تەحنيكالىق جاي-كۇيىن تەكسەرىپ, مىنالاردى_____________________________
_____________________________________________________________________
(سانى, كاليبرى, قانداي قارۋدان)
انىقتادى:
ازامات ______________________________________________ تاپسىرعان
(ت.ا.ءا.)
قارۋعا_______________________________________________________________
جارىلعىش زاتتارعا____________________________________________________
وق-دارىگە____________________________________________________________
قازاقستان رەسپۋبليكاسى ۇكىمەتىنىڭ 2015 جىلعى «___»_____№______بۇيرىعى
قولدانىلدى, ولاردى تاپسىرعانى ءۇشىن:
قارۋعا ______________ - ەسەلەنگەن ايلىق ەسەپتىك كورسەتكىش مولشەرىندە,
جارىلعىش زاتتارعا ___ - ەسەلەنگەن ايلىق ەسەپتىك كورسەتكىش مولشەرىندە,
وق-دارىگە _______ - ەسەلەنگەن ايلىق ەسەپتىك كورسەتكىش مولشەرىندە سىياقى تولەۋ قاجەت.
مىناداي سەبەپتەر بويىنشا _____________ تاپسىرىلعان قارۋعا جوعارىدا
كورسەتىلگەن قاۋلىنىڭ كۇشى قولدانىلمايدى _____________________________
(قارۋ, وق-ءدارى, جارىلعىش زاتتار)
تولەۋگە جاتاتىن جيىنى:_______________________________________________
(سوماسى جازۋمەن)
كوميسسيا توراعاسى____________________________________________________
كوميسسيا مۇشەلەرى____________________________________________________
201____جىلعى «___»____________
زاڭسىز ساقتالعان اتىس قارۋىن, وق-ءدارىنى جانە جارىلعىش زاتتاردى ازاماتتاردىڭ ەرىكتى تۇردە وتەمدى تاپسىرۋ قاعيدالارعا 2-قوسىمشا
اتىس قارۋىنىڭ ساناتتارى
1. 1-ساناتتاعى قارۋعا:
1) پايدالانۋدا بولماعان جانە تەحنيكالىق اقاۋلىقتارى جوق قارۋ;
2) بۇرىن پايدالانۋدا بولعان, بىراق كورىنەتىن نەمەسە جاسىرىن اقاۋلىقتارى جوق, تاۋارلىق ءتۇرىن جويماعان قارۋ جاتادى.
2. 2-ساناتتاعى قارۋعا:
پايدالانۋدا بولماعان نە پايدالانىلعان, ودان ءارى پايدالانۋعا كەدەرگى بولمايتىن, ولاردى جويۋدى نە توراپتارىن جانە تەتىكتەرىن اۋىستىرۋعا نەمەسە قالپىنا كەلتىرۋگە بايلانىستى ەمەس جوندەۋ جولىمەن جويۋدى تالاپ ەتپەيتىن, جەكەلەگەن تەحنيكالىق اقاۋلىقتارى نەمەسە تاۋارلىق ءتۇرىنىڭ اقاۋلارى بار قارۋ جاتادى.
وعان:
1) دەكوراتيۆتىك, كورروزياعا قارسى جابىندارى مەن ەلەمەنتتەرى ءىشىنارا (جەرگىلىكتى) جوعالعان; جوندەۋ ارقىلى جويىلاتىن نەمەسە ورنى تولاتىن, زاقىمداۋدان نەمەسە جوعالۋدان بولعان جەكەلەگەن اقاۋلىقتارى;
2) دۇرىس جيناماۋدان, رەتكە كەلتىرمەۋدەن نەمەسە كىرلەۋدەن تۋىندايتىن, اۋىستىرماي نەمەسە قالپىنا كەلتىرمەي جوندەۋ نە تازالاۋ جانە مايلاۋ ارقىلى جويىلاتىن, جەكەلەگەن توراپتار مەن تەتىكتەردىڭ قىزمەت كورسەتۋىندە بۇزۋشىلىقتارى نەمەسە اقاۋلىقتارى;
3) جويىلعاننان كەيىن بەتىندە ايتارلىقتاي اقاۋ قالدىرمايتىن بولشەكتەردىڭ سىرتقى جانە ىشكى جابىندارىندا از بايقالاتىن جەرگىلىكتى كورروزياسى بار قارۋلار جاتادى.
3. 3-ساناتتاعى قارۋعا:
نەگىزگى توراپتارىنىڭ, تەتىكتەرىنىڭ, بولشەكتەرىنىڭ تەحنيكالىق اقاۋلىقتارى بولۋى سالدارىنان ودان ءارى پايدالانۋعا جارامسىز نەمەسە پايدالانۋ قاۋىپتى, ولاردى جوندەۋ, قالپىنا كەلتىرۋ نەمەسە اۋىستىرۋ تەحنيكالىق نەمەسە ەكونوميكالىق سەبەپتەر بويىنشا ورىنسىز بولاتىن قارۋ جاتادى.
وعان:
1) بولشەكتەردىڭ سىرتقى جانە ىشكى جابىندارىنىڭ كەڭىنەن كورروزياعا ۇشىراۋى نەمەسە ونىڭ تەرەڭ ويىق تۇرىندەگى ىزدەرى; كورروزيالىق پروتسەستەر سالدارىنان بولشەكتەردىڭ ءپىشىنى مەن كولەمىنىڭ وزگەرۋى; سىنالانۋ جانە كورروزيادان بولعان تەتىكتەر فۋنكتسيالارىنىڭ وزگە دە بۇزىلۋلارى;
2) ۇڭعىنىڭ جابىلۋىنا كەدەرگى كەلتىرەتىن نەمەسە قارۋعا مەحانيكالىق اسەر ەتۋ كەزىندە (شايقاۋ, سوعۋ, ۇرۋ, «قيراۋعا» كۇش سالۋ) ولاردىڭ وزدىگىنەن اشىلۋىنا اكەلەتىن تەتىكتى جاباتىن بولشەكتەردىڭ بۇزىلۋى نەمەسە بولماۋى;
3) ۇڭعىنىڭ كەز كەلگەن بولىگىندەگى جارىلۋ, مايىسۋ, قامپايۋ تۇرىندەگى بۇزىلۋلارى;
4) ۇڭعىنىڭ ستاندارتتىق ءپروفيلى مەن كولەمىنە جانە ونىڭ ارنالارىنا, پاترون سالاتىن ورىندارعا (قوسپالارىن قىرۋ, جونىپ وڭدەۋ, ۇلكەيتۋ, كەڭەيتۋ, بۇرعىلاۋ, تىعىزداۋ) ەنگىزىلگەن وزگەرىستەرى;
5) مامانداندىرىلعان شەبەرحانالار جاعدايىنان تىس جاسالعان (دانەكەرلەۋ, بالقىتۋ, بانداجدار ورناتۋ, سىنىقتاردى بىرىكتىرۋ, جاماۋلار مەن قاپتامالاردىڭ, وزدىگىنەن جاسالعان قارۋ بولشەكتەرىنىڭ نەمەسە قارۋدىڭ باسقا مودەلدەرى بولشەكتەرىنىڭ جانە ولاردى باسقا الماستىرۋشىلاردىڭ بولۋى) جوندەۋ بەلگىلەرى بار;
6) كەزدەيسوق اتۋعا الىپ كەلەتىن (سىرتقى شۇرىپپەلەردىڭ ساقتاندىرۋشى ۆزۆودتارىنىڭ توزۋى, ساقتاندىرعىشتاردىڭ وزدىگىنەن قوسىلۋى نەمەسە ولاردىڭ وقتالعاننان كەيىن جۇمىس ىستەمەۋى) ساقتاندىرۋ قۇرىلعىلارىنىڭ اقاۋلىقتارى;
7) سوعۋ-باسۋ تەتىگى بولشەكتەرىنىڭ توزۋىنان بولعان نەمەسە ولارعا وزگەرىستەر ەنگىزۋ جولىمەن ادەيى قول جەتكىزىلگەن قارۋدىڭ ءتيىستى مودەلدەرى نەمەسە توپتارى ءۇشىن بەلگىلەنگەن نورمامەن سالىستىرعاندا وقتالعان جاعدايدان شۇرىپپەنى (سىرتقى شۇرىپپەلەردىڭ) باسۋ ءۇشىن قاجەت كۇشتىڭ 20 پايىزدان استامعا ازايۋى;
8) قالىپپەن قوسىلعان جەرىندە تاباننىڭ قوزعالۋى (ليۋفت); تاباننىڭ بۇزىلۋىنان, جابۋ تەتىگى بولشەكتەرىنىڭ بۇزىلۋىنان تۋىنداعان قالىپقا قاتىستى ۇڭعىنىڭ قوزعالۋى (ليۋفت); ۇڭعىنىڭ تۇراقتى بولىگى مەن قالىپتىڭ اراسىندا 0,2 مم-دەن اساتىن ساڭىلاۋدىڭ بولۋى;
9) تاباننىڭ بۇزىلۋى, تاباننىڭ ءپىشىنى مەن مولشەرىن ستاندارتتىق تۇرمەن سالىستىرعاندا وزدىگىنەن ازگەرتۋلەرى بار قارۋلار جاتادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10840 بولىپ ەنگىزىلدى.